16 dyuymli MacBook Pro

16 dyuymli Apple MacBook Pro - yuqori unumdorlikka ega noutbuklar turkumidagi eng kuchli modellardan biri. U ish stoli kompyuterining o‘rnini bosa oladigan darajada qudratli bo‘lsa-da, ryukzakka bemalol sig‘adi. Ushbu qurilmalarning asosiy afzalliklari - katta ekran, yuqori unumdorlikka ega chiplar va uzoq vaqt quvvatlamasdan ishlash imkoniyati. Ular 3D animatorlar, sun’iy intellekt muhandislari hamda eng murakkab vazifalarni bajarish uchun kuchli qurilmaga muhtoj boshqa mutaxassislar uchun juda mos keladi.

2026-yilgi MacBook Pro 16 noutbuklarining turlari va xususiyatlari

16 dyuymli MacBook Pro noutbuklari katta hisoblash quvvatini talab qiladigan vazifalar, jumladan, professional video montaj, LLM modellarini qurilmaning o‘zida ishga tushirish va renderlash uchun mo‘ljallangan.

Konfiguratsiya	MacBook Pro 16 M5 Pro	MacBook Pro 16 M5 Max
CPU yadrolari soni	18	18
GPU yadrolari soni	20	32 yoki 40
Birlashtirilgan xotiraning bazaviy hajmi, GB	24	36
SSD hajmi, TB	1, 2 yoki 4	2, 4 yoki 8
Displey	Liquid Retina XDR	Liquid Retina XDR
Ekran aniqligi, piksel	3456 × 2234	3456 × 2234
XDR rejimidagi barqaror yorqinlik, nit	1000	1000
HDR rejimidagi eng yuqori yorqinlik, nit	1600	1600
Video tomosha qilishda quvvatlamasdan ishlash vaqti	24 soatgacha	22 soatgacha

M5 Pro chipli model katta ekran, yuqori unumdorlik va uzoq vaqt quvvatlamasdan ishlash imkoniyatiga muhtoj mutaxassislar uchun mo‘ljallangan. M5 Max chipli versiya esa yanada kuchliroq bo‘lib, uni odatda neyron tarmoqlar bilan ishlaydigan, o‘yinlar yaratadigan va uch o‘lchamli animatsiya bilan shug‘ullanadigan mutaxassislar tanlaydi.

Displey

Ushbu turkumdagi noutbuklar Mini-LED yoritish texnologiyasiga ega Liquid Retina XDR displeyi bilan jihozlangan. 3456 × 2234 pikselli yuqori aniqlikdagi ekran tasvirni ravshan va batafsil ko‘rsatadi. Shu sababli unda matn, grafika va videomateriallar bilan ishlash ayniqsa qulay.

120 Hz gacha bo‘lgan moslashuvchan yangilanish tezligini qo‘llab-quvvatlaydigan ProMotion texnologiyasi tufayli ekrandagi harakatlar doimo ravon ko‘rinadi. Ekranning barqaror yorqinligi 1000 nitni tashkil etgani sababli noutbukdan kunduz kuni ochiq havoda yoki deraza yonida ham bemalol foydalanish mumkin.

Xaridorlar fikrlari

Foydalanuvchilar qurilmaning asosiy afzalligi sifatida, avvalo, uning yuqori unumdorligini ta’kidlaydi. Boshqa kuchli jihatlari quyidagilardan iborat:

• •22-24 soatgacha quvvatlamasdan ishlashi - noutbukdan kun davomida qayta quvvatlashga ehtiyoj sezmasdan foydalanish imkonini beradi;
• •sifatli ovoz - oltita karnaydan iborat audiotizim videomuloqot, video montaj va film tomosha qilish vaqtida tiniq hamda hajmli ovoz ta’minlaydi;
• •yettita ulanish porti - adapterlardan ancha kam foydalanishga to‘g‘ri keladi yoki ularga umuman ehtiyoj qolmaydi.

Eng muhimi, xotira hajmini xarid vaqtida to‘g‘ri tanlash kerak. Chunki keyinchalik birlashtirilgan xotira yoki SSD hajmini qurilmaning o‘zida kengaytirib bo‘lmaydi.

MacBook Pro 16’ni O‘zbekistondagi Apple Premium Reseller maqomiga ega iSpace do‘konidan xarid qilishingiz mumkin. Qurilmani mamlakat bo‘ylab yetkazib berish xizmati orqali onlayn buyurtma qilishingiz yoki uni shaxsan sinab ko‘rish uchun Toshkentdagi do‘konimizga tashrif buyurishingiz mumkin. Xaridni bo‘lib to‘lash imkoniyati ham mavjud. Mutaxassislarimiz sizga mos konfiguratsiyani tanlashda yordam berishga doimo tayyor.

FAQ

MacBook Pro 16 qancha turadi?

O‘zbekistonda MacBook Pro 16 M5 noutbukining narxi 61 099 000 so‘mdan boshlanadi. Aniq narxni ispace.uz saytida ko‘rishingiz mumkin.

16 dyuymli MacBook Pro qancha vaznga ega?

Modelning vazni uning konfiguratsiyasiga bog‘liq. M5 Pro chipli MacBook Pro 2,14 kg, M5 Max chipli versiya esa 2,15 kg vaznga ega.

MacBook Pro 16 o‘lchamlari qanday?

16 dyuymli noutbuk nisbatan ixcham hisoblanadi. Qurilmaning o‘lchamlari - 35,57 × 24,81 × 1,68 sm.

MacBook Pro 16 M5 qachon chiqarilgan?

M5 avlodiga mansub chip va 16,2 dyuymli ekran bilan jihozlangan MacBook Pro 16 modeli 2026-yilda taqdim etilgan. Uning taqdimoti 3-mart kuni bo‘lib o‘tgan, sotuvlar esa 11-martda boshlangan.