14 dyuymli MacBook Pro

Apple MacBook Pro 14 - ixchamlik va yuqori unumdorlikni o‘zida uyg‘unlashtirgan noutbuk. Kuchli chiplar va faol sovutish tizimi tufayli ushbu turkumdagi qurilmalar hatto katta yuklama ostida ham barqaror ishlaydi. MacBook Pro 14 videomontaj mutaxassislari, o‘yinlar ishlab chiquvchilari va dizaynerlar uchun munosib tanlovdir. Shuningdek, u ofisdan tashqarida ishlaydigan va noutbukni doimo o‘zi bilan olib yuradigan foydalanuvchilar uchun ham juda qulay.

MacBook Pro 14 noutbuklari assortimenti va xususiyatlari

MacBook Pro 14 yordamida dasturlash, zamonaviy o‘yinlarni o‘ynash, 8K formatdagi videolarni montaj qilish va illyustratsiyalar yaratish mumkin. Ushbu noutbuk ish va ijod bilan bog‘liq turli vazifalarni bemalol bajarish imkonini beradi.

Grafika va kontent bilan professional darajada ishlash uchun Pro turkumidagi chiplar o‘rnatilgan modellarni tanlash mumkin. M5 Max esa 8K videolarni montaj qiladigan mutaxassislar hamda yirik til modellarini ishlab chiquvchilar uchun ayniqsa mos keladi.

Displey

Ushbu turkumdagi noutbuklar Mini-LED texnologiyasiga asoslangan Liquid Retina XDR displeyi bilan jihozlangan. Shu tufayli tasvirlar tiniq va kontrastli ko‘rinadi, video hamda fotosuratlardagi ranglar esa tabiiy aks etadi.

1000 nitlik doimiy yorqinlik ochiq havoda, hatto quyoshli kunda ham bemalol ishlash imkonini beradi. ProMotion texnologiyasi ekranning yangilanish chastotasini 1 Gts dan 120 Gts gacha avtomatik ravishda moslashtiradi. Natijada animatsiyalar va ekrandagi harakatlar ravon ko‘rinadi. True Tone texnologiyasi esa ekran rang haroratini atrofdagi yorug‘likka moslashtirib, ko‘zlarning kamroq charchashiga yordam beradi.

Foydalanuvchilar fikri

MacBook Pro haqidagi fikrlar asosan ijobiy. Air turkumidagi modellarga qaraganda og‘irroq bo‘lishiga qaramay, foydalanuvchilar uning bir qator afzalliklarini alohida ta’kidlaydilar:

• •Akkumulyatorning uzoq ishlashi - qurilmadan kun davomida quvvatlagichsiz foydalanish mumkin.
• •Sokin ishlashi - faol sovutish tizimi mavjud bo‘lsa-da, ventilyatorlar shovqini ishlashga xalaqit bermaydi.
• •Katta hajmdagi SSD - konfiguratsiyaga qarab 1 TB dan 8 TB gacha.

Qurilmaning birlashtirilgan xotirasi va SSD hajmini keyinchalik uning qismlarini almashtirish orqali oshirib bo‘lmaydi. Shu sababli kerakli konfiguratsiyani boshidanoq to‘g‘ri tanlash tavsiya etiladi.

Asl MacBook Pro noutbukini O‘zbekistondagi Apple Premium Reseller maqomiga ega iSpace do‘konidan xarid qilishingiz mumkin. Toshkentdagi do‘konda qurilmalar namoyish uchun qo‘yilgan, shu bois kelib, ularni bemalol sinab ko‘rishingiz mumkin. Shuningdek, texnikani internet-do‘kon orqali buyurtma qilib, mamlakat bo‘ylab yetkazib berish xizmatidan foydalanishingiz mumkin. Xaridni yanada qulay qilish uchun mamlakatning yetakchi banklari taqdim etadigan bo‘lib to‘lash imkoniyatidan foydalaning.

FAQ

MacBook Pro 14 qancha turadi?

O‘zbekistonda MacBook Pro 14 M5 noutbukining narxi 27 499 000 so‘mdan boshlanadi. Yakuniy narx tanlangan konfiguratsiyaga bog‘liq. Aniq narxni ispace.uz saytida bilib olishingiz mumkin.

MacBook Pro 14 va MacBook Pro 16 o‘rtasidagi farq nimada?

Qurilmalar ekran o‘lchami, markaziy va grafik protsessor yadrolari soni bilan farqlanadi. M5 chipli model faqat 14 dyuymli versiyada taqdim etiladi.

2025 va 2026-yilgi MacBook Pro modellari o‘rtasidagi farq nimada?

2025-yilgi model M5 chipi bilan jihozlangan. 2026-yilgi Apple MacBook Pro 14 modellari esa M5 Pro va M5 Max chiplariga ega.

MacBook Pro 14 M5 ning og‘irligi qancha?

M5 chipli qurilmaning og‘irligi 1,55 kg, M5 Pro chipli modelniki 1,6 kg, M5 Max chipli modelniki esa 1,62 kg. MacBook Pro 14 noutbukining aniq og‘irligi tanlangan konfiguratsiyaga bog‘liq.