Video tahrirlash uchun iMac yoki MacBook: 2025-yilgi dolzarb modellari

Grafika ishlayotganda noutbuk qizib ketmasligi va vazifa oson bajarilishi uchun yuklama to‘g‘ri hisoblangan bo‘lishi kerak. Fotosessiyadan keyingi vizualni qayta ishlash va film yaratish uchun turli xil qurilmalar kerak bo‘ladi. Apple ijodiy kasblar uchun yuqori yuklamalarga chidaydigan turli gadjetlarni taqdim etadi. Endi esa faqat qaror qilish qoladi: montaj va grafika uchun sizga iMacmi yoki MacBookmi ko‘proq mos keladi? 

Nega Mac – grafika va video tahrirlash uchun yetakchi? 

Avvalo, Apple texnikasi dizaynerlar va videomuharrirlar orasida o‘zining maxsus chipi tufayli mashhur bo‘ldi. Apple Silicon arxitekturasi yagona xotira tizimini nazarda tutadi: CPU, GPU va Neural Engine umumiy resursdan foydalanadi. Amaliyotda bu shuni anglatadi: 

• unumdorlik ortadi; 

• noutbuk batareyasi sekinroq sarflanadi; 

• ma’lumotlarga kirish tezroq amalga oshadi. 

macOSning o‘zi ham professional ilovalar uchun optimallashtirilgan. Agar siz butun kuningizni Final Cut Pro, DaVinci Resolve, Adobe Illustrator, Krita yoki boshqa dasturlarda o‘tkazsangiz ham, qurilma “osilib” qolmaydi. Apple ekotizimi ish jarayonini soddalashtiradi. Masalan, AirDrop qurilmalar orasida katta fayllarni tez uzatishni ta’minlaydi, iCloud qo‘llab-quvvatlashi tufayli esa manbalarni yoki tayyor loyihalarni bulutda saqlash mumkin, Sidecar orqali planshetni ikkinchi ekran sifatida ulash oson. 

Apple texnikasi mashhurligiga faqat ichki detallar emas, balki ekran ham katta hissa qo‘shadi. Kontent yaratuvchilari uchun displey muhim ahamiyatga ega. Kompaniya qurilmalarida rang ohanglari va o‘tishlarini aniq aks ettiruvchi ekran ishlatiladi. U ranglarni to‘g‘rilash va yoritishga moslashishda muhim bo‘lgan texnologiyalarni qo‘llab-quvvatlaydi. 

Grafika va video tahrirlash uchun eng yaxshi Mac: modellarga umumiy sharh 

Texnik xususiyatlarni ko‘rib chiqishdan avval, qaysi format kerakligini aniqlab olish muhim. Apple ixcham monobloklar, portativ noutbuklar, kuchliroq modellari va monitor ulanadigan stol usti kompyuterlari bilan tanlov imkonini beradi. 

MacBook Air M4 

MacBook Air M4 noutbuki – bu asosiy tanlov. Unda ko‘p matn yozish, suratlarni qayta ishlash, grafikalar yaratish va qisqa roliklarni montaj qilish qulay. U SMM-mutaxassislari va UGC-ijodkorlar uchun ideal yechimga aylanadi. Ixcham gadjet ichida: 

• CPU va GPU’da 10 tadan yadro; 

• 32 Gb gacha yagona xotira; 

• ichki xotirada 2 Tb gacha joy. 

Batareya quvvati 18 soatgacha yetadi. Noutbuk 13 va 15 dyuymli ekran bilan ikkita versiyada taqdim etiladi. Har ikki model ham seriya nomiga mos va vazni 1,5 kg gacha. Qurilmani ofisga, safarga yoki qahvaxonaga bemalol olib borish mumkin – avtonomligi butun kunlik faol ish uchun yetarli. Shuningdek, noutbuk Apple Intelligence’ni qo‘llab-quvvatlaydi: unga pochta xatlarini saralash, suratlarni qayta ishlash yoki boshqa oddiy vazifalarni avtomatlashtirishni topshirishingiz mumkin. 

MacBook Pro M4 Max 

Grafik dizayn va video tahrirlash uchun kuchliroq Mac – bu MacBook Pro M4 Max, uni hozirgi noutbuklar orasida eng unumdor model desak bo‘ladi. Shuningdek, siz M4 Pro, M3 va M3 Pro protsessorlariga ega modellarni ham tanlashingiz mumkin – iSpace saytida ular uchun qulay taqqoslash imkoniyati mavjud. 

Avvalgi modeldan farqli ravishda, bu noutbuk biroz og‘irroq: 14,2 dyuymli ekranli model 1,62 kg, 16,2 dyuymli ekranli model esa 2,15 kg vaznga ega. Bu mantiqiy – chunki unda takomillashtirilgan sovutish tizimi va sig‘imi kattaroq akkumulyator mavjud. 

• CPU’da 16 tagacha yadro; 

• GPU’da 40 tagacha yadro; 

• 128 Gb gacha umumiy xotira; 

• 8 Tb gacha xotira hajmi; 

• 22–24 soatgacha avtonom ishlash. 

Kuchli apparat tezkor render qilishni, murakkab loyihalarda ham silliq ishlashni ta’minlaydi. Siz grafikada, video tahrirlash va murakkab effektlarda bemalol ishlay olasiz. 

iMac 24″ M3 

Agar siz grafika uchun MacBook ishlatishni istamasangiz, iMac monoblokini tanlashingiz mumkin. Ixcham iMac 24″ M3 ish stolida ko‘p joy egallamaydi va Apple klaviatura hamda sichqonchasi bilan to‘liq mos keladi. Agar asosiy ishni uyda bajarib, yo‘lda g‘oyalarni ishlab chiqish yoki tuzatishlar kiritish kerak bo‘lsa, qo‘shimcha ravishda planshet tanlash mumkin. Handoff imkoniyati bir xil faylni yagona ekotizimdagi turli qurilmalarda ochishga yordam beradi. Monoblok ikkita versiyada chiqariladi: ikki portli va to‘rtta portli model. 

Displey sifati yuqori: yorqinligi 500 nitgacha yetadi, kengaytirilgan P3 rang gammasi va True Tone texnologiyasini qo‘llab-quvvatlaydi. Shuningdek, unumdorligi oshirilgan iMac 24″ M4 modeliga ham e’tibor berishingiz mumkin. 

Xulosa 

Texnika tanlashda loyihalarning murakkabligini inobatga oling. Oddiy SMM vazifalari uchun so‘nggi avlod MacBook Air noutbuklari ideal tanlov hisoblanadi. Ko‘proq resurs talab qiladigan loyihalarda esa M4 Pro yoki M4 Max chipiga ega MacBook Pro modellari samaraliroq bo‘ladi. Monobloklar esa uy sharoitida to‘liq quvvatli ish stansiyasini taqdim etadi. 

Apple texnikasini O‘zbekistonda iSpace internet-do‘konidan, butun mamlakat bo‘ylab yetkazib berish xizmati bilan xarid qilishingiz mumkin. Bizda har qanday vazifa uchun mo‘ljallangan keng assortimentdagi gadjetlar, bir nechta qulay to‘lov usullari va barcha mahsulotlarga kafolat mavjud. Toshkentda esa rasmiy do‘konimizga tashrif buyurib, istalgan qurilmani shaxsan sinab ko‘rishingiz mumkin – barcha yangi modellar ochiq holda taqdim etilgan. Agar savollar tug‘ilsa, mutaxassislarimizdan bemalol so‘rashingiz mumkin. 

O‘qing shuningdek 

5 ta gadjet: 2025-yilda maktab o‘quvchilari va talabalar uchun zarur bo‘lgan Apple texnikasi

MacBook, iPhone va iPad akkumulyatorining xizmat muddatini qanday uzaytirish mumkin?

Yangi MacBook’ni qanday to‘g‘ri sozlash va optimallashtirish kerak?

Ravon o‘yin jarayoni va tiniq tasvir: geymerlar qaysi MacBook’larni ma’qul ko‘radi

MacBook-ga filmlarni yuklab oling va ularni oflayn rejimda tomosha qiling: bir nechta tasdiqlangan usullar