Mundarija
Mac kompyuterlari ikir-chikirigacha o‘ylangan. Etalon dizayn tashqarida va mukammal macOS – ichkarida. Trekpad imo-ishoralarni boshqarishni qo‘llab-quvvatlaydi va ekotizim Apple qurilmalari o‘rtasidagi chegaralarni butunlay yo‘q qiladi. Bu kompyuterlar odamlar uchun yaratilgan – shuning uchun ular juda qulay.
iSpace siz uchun Macingizning siz bilmagan 7 ta noaniq, ammo foydali funksiyalarini to‘pladi.
Mac uchun emoji chaqirish
Masda ishlash paytida emoji qo‘yish kerak bo‘lganda qanday yo‘l tutasiz? Odatga ko‘ra, Telegram yoki boshqa messenjerlar, ijtimoiy tarmoqlardagi smayllardan nusxa ko‘chirasizmi?
Emoji qo‘yishning osonroq usuli bor – Control+Command+Bo‘sh joy qisqa tugmasi yordamida. Ushbu kombinatsiyani bosing va sizda smayllarni tanlash oynasi paydo bo‘ladi. Shuningdek, uni Tahrirlash > Emoji va belgilar menyusidan topish mumkin.
Profil ikonkasidagi animatsiyali memodji
Standart profil avatarini animodjlarga almashtirishingiz mumkin. Agar tizimga kirishda parolni noto‘g‘ri kiritsangiz, u xafa bo‘ladi va agar to‘g‘ri bo‘lsa, xursand bo‘ladi. Ikonkani sozlash uchun:
- “Tizim sozlamalari” rukniga kiring va hisobingizni bosing;
- kursorni avatarga olib boring va “tuzatish” bandini tanlang;
- Memoji ro‘yxatidagi plyus tugmasini bosing, avataringizni sozlang va saqlang;
- Apple hisobi rasmi sifatida Memoji yoki Animojini o‘rnating.
Spotlight nafaqat jildlar va fayllarni qidirish
Mac qurilmangizdagi deyarli har qanday faylni Spotlight qidiruv tizimi yordamida topish mumkin. Uni ochish uchun macOS (yoki shorts) menyu qatoridagi lupa belgisini bosing. Hosil bo‘lgan maydonga esa topilishi kerak bo‘lgan hujjatdagi so‘zlarni kiriting.
Maslahat: ma’lum bir iborani qidirishda uni qo‘shtirnoq bilan ajratib ko‘rsating. Shunda tizim aynan shu so‘zlar birikmasini qidiradi.
Ammo Spotlight nafaqat fayllarni qidirishni biladi. Asbob, shuningdek, valyutalar va miqdorlarni hisoblashi, konvertatsiya qilishi mumkin. Qidiruv maydoniga kerakli ifodani kiriting (bo‘sh joylardan foydalanib).
Yorqinlikni ravon sozlash
Mac monitorining yorqinligini klaviaturadagi tugmalar yordamida sozlashga odatlangan bo‘lsangiz kerak. Lekin uni zargarona va aniqroq sozlash mumkin. Buning uchun Option + Shift + yorqinlik tugmasini bosing. Shunda ko‘rsatkich birdaniga bitta bo‘linmaga emas, balki bir tekisda o‘sadi. Bu fishka tovush balandligi bilan ham ishlaydi.
macOS menyu qatorida belgilarni saralash
MacOS menyu qatorini o‘zingizga qulay tarzda sozlashingiz mumkin. Masalan, Command tugmasini bosish orqali macOS menyusi satridagi piktogrammalarni ko‘chirish mumkin. Yoki Boshqaruv punktini sozlash paytida obyektlarni to‘g‘ridan-to‘g‘ri menyu qatoriga tortish mumkin. Bu “Tizim sozlamalari” > “Boshqaruv paneli” orqali amalga oshiriladi.
Mac uchun jildni berkitish
MacOS da har qanday papkani qiziquvchan ko‘zlardan yashirish imkonini beruvchi diskli yordamchi dastur o‘rnatilgan. U papka joylashtiriladigan o‘ziga xos himoya konteynerini yaratadi. Uning kontentiga faqat parol egasi kira oladi.
Matnni aytib turish
Ushbu xususiyat, ayniqsa, talabalar va seminar yoki konferensiyalarga tashrif buyuruvchilar uchun juda foydali. “Diktovka” funksiyasi bilan ma’ruzachining so‘zlarini yozish uchun shoshilishga hojat yo‘q. Axir ular o‘zlari yozilishadi-ku. Shunchaki kursorni matnli hujjatga qo‘ying va Control tugmasini ikki marta bosing.
Funksiyani yoqish uchun:
- “Tizim sozlamalari” > “Klaviatura” bandini oching;
- “Diktovka” menyusidagi opsiyani faollashtiring.
Albatta, Mac’ning foydali funksiyalari ko‘proq. Hayotingizni yaxshilash uchun ular haqida albatta so‘zlab beramiz. Bizning blogimizga tez-tez kirib turing va Instagramga obuna bo‘ling. Shunda siz hech qanday qiziq narsani o‘tkazib yubormaysiz va foydali takliflar haqida birinchi bo‘lib bilib olasiz.
Shuningdek, o‘qing
iPhone 17 va iPhone 17 Pro: 2025-yilda qaysi smartfonni sotib olish yaxshiroq?
MacBook Pro M5 va iPad Pro M5: Apple Intelligence bilan yangi unumdorlik davri
Doimo xabardor bo‘ling!
Tarqatma xabarlarga obuna bo‘ling va do‘konning yangi aksiyalari va maxsus takliflari haqida birinchilardan bo‘lib bilib oling!